話說係山野學堂其中一堂
「眼前有兩條路去到山頂目的地，一條係石屎車路，行一個鐘，易行啲嘅；另一條係梯級山路，上兩個山丘，辛苦少少嘅。依家請各位小朋友圍圈傾傾，再決定邊條路上山啦！」
喺開始旅程嘅時候，威廉俾小朋友學習討論：表達意見，聆聽其他隊員嘅想法，再一起做決定。爸爸媽媽就喺小朋友圈外望著孩子們，大家都嘗試學習「忍住唔好俾意見」，因大家都明白，小朋友正經歷重要嘅學習階段 - 「決定自己要行嘅路」。
小朋友好快有共識 ，全票通過 「行山路！」，因為「行山路有動物睇！」、「行車路好悶呀！」，「我要行山！」，諗落答案其實好簡單，亦好清楚。
小朋友決定自己嘅路，每一級石級、每一步泥路都係自己揀，之後遇到所有動物植物，都變得有趣；每一啖水、每一眼風景，唔係大人迫佢哋得到，而係自己踏實地，同隊友一齊換返嚟，自主學習嘅成功感係無可比擬嘅。
新世代嘅小朋友唔再係工廠嘅一粒螺絲，只要大人相信佢哋，俾佢哋作出選擇，每一位小朋友都會係明日發光發亮嘅星星。
小編按：以上為活動回顧