山野學堂第二堂，小朋友嚟到城門水塘，以五感認識初夏有趣新奇嘅動植物
書本時常提及，昆蟲有六隻腳、雀仔天空飛、魚在水中游，甚至描述野生動物是有攻擊性的。係我哋真正親身接觸唔同嘅動物之前，究竟書本上講嘅嘢有幾多係真，有幾多又未必係真呢？
小朋友親手把昆蟲放在手掌上，從佢哋驚訝嘅眼神，會令你明白大自然嘅神奇。小朋友細心觀察小手指上嘅昆蟲，發現原來昆蟲未必如書本所講一定有六隻腳。。。可能會因為打架時斷咗，可能佢係千足蟲，又或佢其實只係一支樹枝。
來到白千層樹林，小朋友嘗試兩三人一組，學習慢慢喺森林前進，靜靜感受大自然嘅風吹草動。到達水塘面，我哋邀請每一位小朋友各自坐喺一棵白千層樹下，嘗試寧靜一分鐘，感受涼風、雨粉同樹葉流過皮膚嘅悸動。
冇錯，大自然可以讓小朋友喺草地度盡情奔跑，亦可以讓小朋友靜下來，學習靜心聆聽，甚至用心感受。動植物告訴我地生命嘅美，而遊沐嘅工作，就係開啟大自然嘅門，讓小朋友遊樂自然，建立快樂嘅童年時光。
